قصة حبيبين لكن من غير نهايه

السلام عليكم ورحمة الله وبركاته ....................................................................من البدايه قصة بنوته اتعرفت على شاب من على الشات بدايتهم كانوا اصدقاء ومرت الايام وبقيوا ماعلى طول مع بعض حبته بس هو مش قادر يفهمها زاى يكملوا مع بعض وكمان باع اخلاقه كويسه محترم بس بيحب الصمت حتى فى كلامه مع حبيبته اللى كانت حبيبته مستنى هى اللى تعمل كل حاجه مش عاوز يتعب عاوزه كل حاجه بالساهل ازاى بيقولى كرامتى انا اللى اعرفه انه مافيش حاجه اسمها كرامه مع اتنين بيحبوا بعض المفروض انه لو بيحبها بجد ما يستسلمش من اول عقبه بينه وبينها دى تكون نصه التانى عمره اللى هتشاركه كل حاجه يعنى لو زعلان هيقول انا عندى كرامه مش هقولها انى زعلان احلى حاجه ان الانسان يحس بغلطه ويصححه وافترقوا ورجعوا اتكلموا تانى وبعدين ..........مصيرهم ايه ربنا العالم...........لو بتحب حد اعمل لمستحيل علشانه اكيد يستحق انك تتعب علشان توصله مافيش حاجه بالساهل .....ربنا معاهم.....قادر يوفق بين قلبين.........

من الواضح أنك البنوته صاحبه المشكله حب النت وحب الشات ده وهم الأنسان اللى بيحب بيحب صفات معينه فى حبيبه ممكن شكله ممكن أخلاقه ممكن شخصيته حالته الماديه ايا كانت الصفات اللى بنحب علشانها بالنسبه للنت الموضوع مختلف تماما كل انسان بيدخل على النت بيرسم لنفسه شخصيه كان نفسه يعيشها أكيد مش شخصيته فلو أنتى حبتيه تبقى أختارتى أنك تخدعى نفسك مش هو اللى خدعك وبالنسبه لموضوع الكرامه فعلا عندك حق مفيش كرامه فى الحب بس يا ترى كان حب ؟
أكيد مكنش حب لأنك مش متأكده أن الانسان ده حبك .
وهيحبك ليه ؟
هو شاف منك ايه؟
مش ممكن تكونى وهم أنتى كمان؟
اسف لو اسلوبى جارح بس انا عندى مبدأ بالنسبه لعلاقات الشات والنت .

لا جارح ولا حاجه بس مش أنا دى فعلا صحبتى
أنا عارفه انه وهم وبنعيش فيه
لكن الحب اعمى بس فى النهايه كشفته على حقيقته
لاانها قالتله لو اختك ترضى حد يعمل معاها كده
بكل بجاحه قالها لا طبعا
لو انا مش هخبى نفسى
احنا كلنا اخوات واصحاب
والدنيا بتعلم والغلط مش عيب بس مانتماداش فيه
كلنا بنغلط
لكن الفرق فى اللى يصحح غلطه
ميرسى على رأيك .....

والله يا غزل هانم ايم ريدى انى تايم بس انا شايف اكتر الحاجات ضحك على الذقون لامؤاخذة يعنى واللى جاملنا نجامله بعون الله وفرصة سعيدة يا غزل هانم وضيفنى فى قائمة الاصدقاء بتاعتك علشان انا مش بضيف اى انسان

بسم الله الرحمن الرحيم
ميرسى على رد حضرتك m .jaffer
بس بمناسبة ايه اضيف حضرتك اخويا قريبى زميلى
اسفه انا كمان مش بضيف اى حد والسلام
سورى

أذا أردت أن تحب شخصا فلا تترك لة جرحا فمن أعطانا قلبا لا يستحق أن نغرس فية سهما

وأذا أحببت يوما وهذا الحب كان سبب أن تضيع أعز ما عند البشر أجمعين فلم يكون على لسانى

غير كلمة واحدة وهى :- ..........

أرحل حبيبى وأعتبر قلبى بحبك شهيد

ميرسى على ردك الجميل
النجمه الذهبيه واضح من ردك انكى فعلا نجمه تلمع فى سماء ذهبية صافيه لا تشوبها شائبه جزاك الله كل خير..........

آنسة غزٍل
انا هكلمك بصرٍآحة شديدة

انا كنت بدخل شات من وانا فى الاعدادى وعرفت بنات كتير بتصاحب عليها الاول وبعد كده بنكون اخوات جدا وبعد كده تقلب بحب والله بنات كتير جدا جدا فوق ما تتخيلى
كل واحدة بقعد معاها شهر او اتنين ومرة واحدة نسيب بعض وتكون موجودة معايا فى نفس الشات ومع واحد تانى
عايز اقوللك ان الشات ده كله تسالى والله وإسألى مجرب مفيش حب حقيقى والله
بدليل انى عرفت كذااااااا بنت والاخر انا هخطب انسانة مالهآش علآقة بالنت أصـلا وعامة الحب بييجى مع المعاشرة الطيبة فى فترة الخطوبة وبعد الزوآج ودى نصيحتى لاى بنت على النت انها متصدقش الوهم ده لان ما فيش اسهل من الكلام من ورا الشاشة والكذب شغال على ودنه انا بحبك انا معرفش اعيش من غيرك والكلام الفاضى ده ,,, تقبلى فائق تحياتى

الكلام ده مش لصاحبة الموضوع بس لا ده لكل الموجودين هنآآ

أخوٍكــم " إسـلآم "

ميرسى استاذ اسلام
والله انا عارفه انه تسالى
وربنا يتمم بخير ومتنساش تعزمنا على الخطوبه